Actuacións do día da Paz 2

Aquí está a continuación das actuacións do día da paz.

Actuacións do día da Paz 1

Estos son os vídeos das actuacións que fixemos o día da Paz. Desexamos que vos gusten.

O DÍA ESCOLAR POLA PAZ E A NON VIOLENCIA (30-01-2012)

Dende o CEIP Antas de Ulla gustaríanos desexarvos moitas cousas, pero como non temos espazo para todas elas, xuntámolas no "NOSO XARDÍN DOS DESEXOS".
Estade atentos ao blog porque o luns teredes as actuacións do día da Paz á vosa disposición. Saudiños.

O NOSO ALMANAQUE DE CONMEMORACIÓNS 2012

ALMANAQUE DE CONMEMORACIÓNS 2012 on PhotoPeach

Nadal 2011. Parte 2.

A continuación a segunda parte das actuacións de Nadal.



Os rapaces e rapazas de quinto e sexto fixeron un baile chamado Chikichá.



Os compañeiros  e as compañeiras de cuarto recitaron estes interesantes poemas.


Aquí tedes aos compañeiros e compañeiras de cuarto e terceiro coa actuación Alegría.

Nadal 2011. Parte 1.

Aquí tedes estes vídeos dalgunhas das actuacións de Nadal para facer máis agradable a volta ao cole.

Os nenos e as nenas de sexto e quinto que interpretan "Noite de Paz".

Escoitade a panxoliña "Cantade mociños" que cantan os nenos e as nenas de primeiro e segundo.

Os nenos e as nenas de terceiro representan "Estrela de Nadal".

Apasalo ben coa canción "Que lle daremos ao neno".

Os compañeiros e as compañeiras de terceiro cantan esta canción tan divertida.

Aquí tedes aos pícaros de infantil coa panxoliña "Burrito Sabanero"

O Nadal do "A ao Z"

O Samaín e o Halloween

Para festexar a chegada do Samaín e o Halloween, os compañeiros e as compañeiras de quinto fixeron este pantasmagórico mural.

Aquí tedes este mural dos compañeiros e compañeiras de Infantil. Que pícaros son estes raparigos!

No halloween do cole esqueletos, bruxas, monstros... podías atopar cando nos pasillos ías camiñar.

Os nosos compañeiros e compañeiras de quinto fixeron este mural con produtos típicos de outono para festexar a chegada do Samaín e do Magosto.

Aquí veñen os compañeiros e compañeiras na clase de inglés cunha pequena canción do halloween.

Aquí está este simpático mural de primeiro ciclo. Non lle teñades medo a este vampiro pois é do máis simpático.

Temos aquí este traballo dos compañeiros e compañeiras de sexto. Esperemos que non lles teñades medos ás arañas.

Chegou o Samaín ao cole

Saída a Allariz

O pasado día 26-05-2011 realizamos unha saída a Allariz e Ourense. Nesta visita participaron os rapaces e as rapazas de 1º, 2º e 3º de Educación Primaria.

A saída do centro foi ás 10:00 e chegamos a Allariz ás 11:30. Fixemos un percorrido polo paseo fluvial da vila, unha paisaxe digna de visitar, con torrentes, pontes de madeira, ocas e moitos lugares cheos dun encanto máxico, como o xardín xigante.

Ás 12:00 xuntámonos coa guía que nos levou ao museo do burato no que nos explicou as partes e o funcionamento dun muíño antigo.

A continuación, seguimos a Aldara polas rúas da zona antiga da vila ata chegar ao museo do xoguete. Quedamos abraiados pola amabilidade da xente, o coidado e limpeza extremos en todo o lugar, foi unha experiencia moi gratificante. Recomendámola sen dúbida algunha.

No museo do xoguete Aldara explicounos todas as marabillas que alí gardaban, sendo o que máis lles gustou o futbolín inglés, as casiñas e obxetos de minuatura e as sombras chinesas.

A continuación dirixímonos ao camping para comer e gozar dun tempo de lecer. O que máis lles chamou a atención foi a doma de cabalos.


Antes de despedirnos da vila fomos a ver o entorno natural de ecoespazo do Rexo, onde estaban situadas as pinturas de Agustín Ibarrola.



Por último, fixemos unha parada en Ourense para merendar e ver as burgas, que causaron unha gran emoción nos rapaces e rapazas. Deica outra.

EXCURSIÓN Á CORUÑA

O día 27 de maio os alumnos/as de 4º ,5º e 6º fomos de excursión á Coruña cos titores de cada curso e ademais con Mercedes e Sergio.

Chegamos á Coruña sobre as 10.15h. da mañá.
Primeiro fomos ao acuario Finisterrae e a guía, Mónica, fíxonos un resumo do que podíamos ver.Despois vimos todos os peixes do acuario:quenllas, focas ,polbos,etc.
A continuación fomos á Casa das Ciencias, na primeira planta o que máis nos gustou foi un péndulo que ao cabo do día tiraba as 24 picas que había ao seu redor, tamén había unha incubadora de polos. Despois subimos á segunda planta e nela había diversos aparellos, máis tarde subimos á última planta onde vimos unha película que trataba sobre un vampiro.
Xa era mediodía e fomos comer. Había sopa, caldo vexetal, patacas con filete rebozado, e de postre xeado de chocolate. Todo estaba riquísimo!
Despois de xantar fomos visitar a Casa do Home onde había esculturas coma o home máis alto do mundo, xogos e vimos unha película en 3D que trataba dun safari.
Finalmente queriamos facer unha visita á torre de Hércules e ao castelo de San Antón, pero non quedaba tempo e fixémolo desde o autobús. Tivémonos que conformar véndoos desde o autobús, pero gustaríanos subir á torre de Hércules.
Así foi a nosa excursión: divertida, didáctica e pasámolo moi ben.

FIN

Nerea Almuiña

Martín Portomeñe
Ismael Torres

Homenaxe a Lois Pereiro

O Día das Letras Galegas

Para festexar estas datas nas que se lembra un día moi especial na nosa cultura: O día das letras galegas. No CEIP Antas de Ulla expuxemos uns carteis da vida e obra do autor homenaxeado: Lois Pereiro. Os nosos compañeiros e as nosas compañeiras de sexto, de tódolos carteis expostos, escolleron dous para facer a súa homenaxe persoal a este autor. Os carteis seleccionados foron o número 13 e o 15. No primeiro, os rapaces fan referencia a un momento da vida de Lois no que a súa amiga e amada, Piedad Cabo, marchou aos Estados Unidos, eles falan dos sentimentos do autor e de como foi esta época na súa vida e como homenaxe escribiron unha carta como se fosen o propio Lois. Aquí tedes a carta escrita:
Querida P:
Desde tan lonxe te escribo que non sei se as miñas palabras chegarán a ti. Os días fánseme longos pensando na túa volta, en poder pasear e charlar como faciamos antes. Intento que me guste a xente que me rodea, e vouno conseguindo, pero ninguén es ti.
Unha aperta
Good bye
Lois.


No cartel número 15 os rapaces e as rapazas refírense ao Día das Letras Galegas con palabras que poderían expresar sentimentos ou aspectos relacionados co mesmo, como por exemplo:
HOMENAXE, AUTOR, PAÍS, LIBRO, ORGULLO, IDIOMA, TRABALLO, LEDICIA, CREATIVIDADE, FESTA, VIDA, LER, ESCRIBIR, POESÍA, NOVELA, TEATRO, LITERATURA, PÁXINAS, PALABRAS, AMOR, HISTORIAS, AUTOESTIMA, SATIFACCIÓN, CULTURA, GALICIA.

Estes son só uns exemplos dunha actividade moi elaborada para festexar este día tan importante para nós, polo que dende o centro vos animamos a que lle botedes un ollo ou os dous aos carteis expostos nos cristais do vestíbulo. Un saúdo e deica outra. (aquí vos quedan unhas fotos deste día).

A pasalo ben coas fábulas

Para que o pasemos ben estes días nos que nos lembramos das letras galegas, os nosos compañeiros e as nosas compañeiras de terceiro fixeron uns contos e unhas fábulas moi divertidas. Se queredes pasar un bo rato, botádelle un ollo o taboleiro do segundo ciclo, xa sabedes onde está. Un saúdo a todos.

Aquí tedes unhas fotos. Desexamos que vos gusten.

O ENTROIDO

O ciclo do entroido ten nas diferentes vilas de Galiza distintas extensións. Tense tomado como referencia o entroido de Xinzo como o máis longo, se ben a súa distribución en cinco semanas é común a boa parte das comarcas centrais ourensás, como Maceda. En realidade non é o ciclo máis longo pois este é o de Laza onde o ciclo comeza segundo se dan as badaladas o día de ano novo co primeiro folión. Tamén son en ocasións máis longos que o entroido de Xinzo o entroido de Verín e o entroido de Vilariño de Conso, segundo en que momento de febreiro ou marzo caia o entroido pois en Verín o ciclo da comezo o día de San Antón (17 de xaneiro) e en Vilariño de Conso o ciclo da comezo o día de Candelas (2 de febreiro).

As súas datas fundamentais, por orde, son:

· Domingo fareleiro

· Domingo oleiro

· Xoves de compadres

· Domingo corredoiro

· Xoves de comadres

· Domingo de entroido

· Luns de entroido

· Martes de entroido

· Mércores de cinza

· Domingo de piñata

As máscaras do entroido galego presentan, segundo as zonas e comarcas, trazos diferentes. Podemos distinguir dous grandes grupos:

· As máscaras ourensás, que pertencen aos entroidos dun arco de vilas que nace en Maceda e Allariz, esténdese polo sur da provincia e remonta polo leste ata chegar á Ribeira Sacra. Son, habitualmente, máscaras coloristas que cobren a cara, realizadas moitas delas en madeira e que teñen como misión meter medo, asustar, bater nos veciños ou escorrentalos. Aínda que ás veces van en grupo, a súa presenza é habitualmente individual. Entre elas están os cigarróns de Verín, os peliqueiros de Laza, os felos de Maceda, os boteiros de Vilariño de Conso, de Manzaneda e de Viana do Bolo, os irrios de Castro Caldelas, as charrúas de Allariz, as pantallas de Xinzo, os vergalleiros de Sarreaus, os murrieiros da Teixeira, os troteiros de Bande, os vellarróns de Riós, etc.

· As máscaras da zona atlántica, nunha zona non continua que vai dende Cangas e Vilaboa ao sur ata as comarcas do Deza e o val do Ulla. Son traxes tamén coloristas, pero que frecuentemente deixan o rostro descuberto. Neles o traballo individual de elaboración do vestido é importante, pero máis o é a performance, que adoita ser colectiva. É o caso dos xenerais de Deza e de Ulla, as damas e galáns de Cangas e Vilaboa e as madamitas e madamitos do entroido de Cotobade.

Tamén existen outros costumes:

· Mecos bonitos e mecos feos de Froxás das Viñas.

· Volantes da Ribeira do Miño (Parroquias de Santiago de Arriba, San Pedro, Camporramiro e Nogueira).

· O Oso de Salcedo, en Salcedo (A Pobra do Brollón).

· O merdeiro en Vigo.

· Os felos en Maceda.

(Na Galipedia, a Wikipedia en galego)

UNHA VOLTA POLO MUNDO 8

STAND ÁRABE

UNHA VOLTA POLO MUNDO 7

STAND EXIPCIO

UNHA VOLTA POLO MUNDO 6

STAND INDIO

UNHA VOLTA POLO MUNDO 5

STAND CHINO

UNHA VOLTA POLO MUNDO 4

Aquí veñen os amigos e amigas de quinto e sexto a bailarnos unha danza árabe titulada "Hasimal". Desexamos que vos guste.