O colexio comezou a funcionar no ano 1971. Situado na lonxitude 7º53´25" O, latitude 42º46´57" N e cunha altitude de 555m. A 3 Km. do colexio atópase o centro xeográfico de Galicia.
25 de noviembre de 2010
Murais de Outono 2
Os/as compañeiros/as de terceiro de primaria preséntannos as seguintes cantigas. Afinade as gorxas, jejeje!.
Santiña do Soutarelo,
bota castañas abaixo;
que se non teño mantelo,
collereinas no refaixo.
A castaña no ourizo
quixo rir e rebentou,
caeu do castaño abaixo,
mira que golpe levou!
As castañas son castañas,
os ourizos son ourizos;
os ollos da túa cara,
para min son dous feitizos.
A castaña está no berce
nun ourizo acochada,
pendurando dunha póla,
a carón doutras castañas.
Pola noite o castiñeiro
conta historias xa pasadas,
fala sempre dos magostos
que no outono se argallaban.
A continuación os/as compañeiros/as de cuarto traennos unhas adiviñas ven xeitosas, a ver se tedes sorte e as respostas encontrades. Ánimo!
Ten pelexo coma a xente
e é moi boa para comer;
chega polo mes de Santos
e todo o ano a tes.
En alto nacín,
entre a terra e o ceo;
se algunha vez me río
téñocho todo perdido.
Unha señora,
moi enseñorada,
deu unha risada
e quedou sen nada.
Tamén os de cuarto nos traen uns ditos popolares.
- Polo San Martiño faise o magosto, con castañas asadas e viño ou mosto.
- Despois de San Martiño, deixa a auga e bebe o viño.
- O verán de San Martiño, dura en canto cruzas o camiño.
- O que non sabe mañas, non asa castañas.
- En San Martiño, proba o teu viño.
Desexamos que vos gustasen.
Murais de Outono 1
Aquí temos o mural dos nosos compañeiros e das nosas compañeiras de primeiro ciclo para este outono 2010-2011. Ademáis para festexar o Magosto decidiron escribir o seguinte texto para explicarnos esta tradición tan popular na nosa terra. A disfrutalo:
O MAGOSTO
A tradición en Galicia sitúa ao redor destas datas o tempo de recollección das castañas e o dos primeiros magostos. Vén sendo unha festa de raizame popular onde se xuntan os veciños para asar as castañas e abillar o pipote de viño novo. Entre outros costumes, había aquel de tizarse coa cinza do braseiro, para remataren con cantigas e pandeiretadas.
Ademáis desta introducción do magosto temos para vós tamén uns poemas ben xeitosos. A pasalo ben!
Acabáronse as vendimas
e veñen as esfolladas,
para comer coas mozas
catro castañas asadas.
O que non ten mañas
non come castañas.
Alto me vexo
no meu capelexo,
por unha risada
quedeime sen nada.
Alto vivo,
mírame a xente,
e se me río,
quedo sen dente.
Non chas quero, non chas quero
castañas do teu magosto:
non chas quero, non chas quero,
que cheiran a chamoso.
O MAGOSTO
A tradición en Galicia sitúa ao redor destas datas o tempo de recollección das castañas e o dos primeiros magostos. Vén sendo unha festa de raizame popular onde se xuntan os veciños para asar as castañas e abillar o pipote de viño novo. Entre outros costumes, había aquel de tizarse coa cinza do braseiro, para remataren con cantigas e pandeiretadas.
Ademáis desta introducción do magosto temos para vós tamén uns poemas ben xeitosos. A pasalo ben!
Acabáronse as vendimas
e veñen as esfolladas,
para comer coas mozas
catro castañas asadas.
O que non ten mañas
non come castañas.
Alto me vexo
no meu capelexo,
por unha risada
quedeime sen nada.
Alto vivo,
mírame a xente,
e se me río,
quedo sen dente.
Non chas quero, non chas quero
castañas do teu magosto:
non chas quero, non chas quero,
que cheiran a chamoso.
23 de noviembre de 2010
DEREITOS DA INFANCIA
O día 20 de novembro celébrase o día do dereitos dos nenos.
Nós,Lucas,Marco e Xesús de 4º querémosvos convidar a coñecer a LUNICEF, un lunni superheroe que quere axudar aos nenos e nenas de todo o mundo.
22 de noviembre de 2010
NAVEGA SEGURO
Interesante iniciativa da Consellería de Educación para facer un uso responsable e seguro da rede.
Nais,pais, nenos, nenas, profesoras e profesores:
Nais,pais, nenos, nenas, profesoras e profesores:
-MERGULLÁDEVOS NO "PLAN NAVEGA CON RUMBO" http://www.edu.xunta.es/navegaconrumbo/index.html
18 de noviembre de 2010
castañadas 1
Aquí chegou o outono cheo de grandes novas. Nesta época tan especial hai moitas festas que festexar, xa os antigos celtas celebraban o cambio de solticio no samaín e hoxe en día festexamos moitas cousas, entre elas o magosto. No CEIP Antas de Ulla queremos darlle a benvida a esta época coas castañadas 2010. A pasalo ben coas fotos. Deica outra.
Suscribirse a:
Entradas (Atom)