28 de enero de 2011

DÍA DA PAZ E A NON VIOLENCIA


Hoxe celebramos no colexio o DÍA ESCOLAR POLA PAZ E A NON VIOLENCIA, declarado por primeira vez no ano 1964. Elexiuse, para celebralo, o 30 de XANEIRO para lembrar a morte dun gran líder espiritual e nacional da India, MAHATMA GANDHI. O seu pensamento tiña por principio fundamental a non violencia, e así actuou en numerosas protestas no seu país.
A mensaxe básica deste día é:
" AMOR UNIVERSAL, NON VIOLENCIA E PAZ"
Amor universal mellor que egoísmo.
Non violencia mellor que violencia.
Paz mellor que guerra.
Desde o noso colexio queremos contribuir a este día cun pequeno acto, no que fomos creando entre todos un símbolo de paz acompañado polas nosas mensaxes.
Este símbolo representa a pegada dun ave, dentro do círculo hai catro liñas que se parecen á pisada dun ave. Tivo a etapa máis representativa nos anos 60 coa cultura e movemento hippie.
A pomba branca coñécese en todo o mundo como símbolo de paz, así foi recoñecida tras as guerras ocorridas ao longo do século XX.
Para rematar este acto cantamos todos : " Que vivan a paz e o amor!"
Desfrutamos moito colocando o noso anaquiño. Quedou estupendo!