O Nadal do "A ao Z"

O gato ferido

Unha nova de actualidade

"O aniversario da Raíña", "o asteroide" e "a ra"

"Unha de pasatempos", "O paporrubio" e "A miña cadela"

"O incendio" e "o roubo"

Orixe do Magosto

Aquí tedes este vídeo do Magosto feito por estes compañeiros de quinto de primaria. Desexamos que vos guste.

Froitos de Outono

Os compañeiros e as compañeiras do CEIP Antas de Ulla desexan que coñezades os distintos froitos de outono e para iso fixeron este mural, así que "se os froitos de outono queres coñecer, esta exposición tan bonita debes ver". Está exposta ao lado do comedor e no blog. Saúdos.

Mural de Outono

Os nosos compañeiros e as compañeiras de segundo ciclo fixeron este mural de outono para animarnos un pouco.

O Samaín e o Halloween

Para festexar a chegada do Samaín e o Halloween, os compañeiros e as compañeiras de quinto fixeron este pantasmagórico mural.

Aquí tedes este mural dos compañeiros e compañeiras de Infantil. Que pícaros son estes raparigos!

No halloween do cole esqueletos, bruxas, monstros... podías atopar cando nos pasillos ías camiñar.

Os nosos compañeiros e compañeiras de quinto fixeron este mural con produtos típicos de outono para festexar a chegada do Samaín e do Magosto.

Aquí veñen os compañeiros e compañeiras na clase de inglés cunha pequena canción do halloween.

Aquí está este simpático mural de primeiro ciclo. Non lle teñades medo a este vampiro pois é do máis simpático.

Temos aquí este traballo dos compañeiros e compañeiras de sexto. Esperemos que non lles teñades medos ás arañas.

Unha de seres fantásticos

Aquí tedes esta exposición de traballos dos compañeiros e compañeiras de 4º de Educación Primaria. Coñecedes algún destes seres fantásticos?

Chegou o Samaín ao cole

Benvidos a este novo curso

Aquí estamos un ano máis no blog do colexio. Toda a Comunidade Educativa estamos encantados de compartir neste espazo web actividades diferentes e interesantes para este curso 2011-2012. Ademais queríamos informar de que no taboleiro da entrada no interior do cole tedes un espazo que se chama: as novas de Broli, no que se irán poñendo carteis informativos de actividades que se colgarán no blog do centro para que as poidades comentar e visualizar.
Un saúdo moi forte.

Tempo de outono

Aquí tedes esta historia de medo que nos traen os nosos compañeiros de segundo para este tempo de Samaín. A pasalo ben.

Convivencia en Lalín: Opinións

Vanesa C, Roi, Alba e Susana de sexto elaboraron este pequeno traballo para darnos as súas opinións acerca desta actividade de Educación Física. Esperan e desexan que vos gustara, animádevos e opinade.

Saída a Allariz

O pasado día 26-05-2011 realizamos unha saída a Allariz e Ourense. Nesta visita participaron os rapaces e as rapazas de 1º, 2º e 3º de Educación Primaria.

A saída do centro foi ás 10:00 e chegamos a Allariz ás 11:30. Fixemos un percorrido polo paseo fluvial da vila, unha paisaxe digna de visitar, con torrentes, pontes de madeira, ocas e moitos lugares cheos dun encanto máxico, como o xardín xigante.

Ás 12:00 xuntámonos coa guía que nos levou ao museo do burato no que nos explicou as partes e o funcionamento dun muíño antigo.

A continuación, seguimos a Aldara polas rúas da zona antiga da vila ata chegar ao museo do xoguete. Quedamos abraiados pola amabilidade da xente, o coidado e limpeza extremos en todo o lugar, foi unha experiencia moi gratificante. Recomendámola sen dúbida algunha.

No museo do xoguete Aldara explicounos todas as marabillas que alí gardaban, sendo o que máis lles gustou o futbolín inglés, as casiñas e obxetos de minuatura e as sombras chinesas.

A continuación dirixímonos ao camping para comer e gozar dun tempo de lecer. O que máis lles chamou a atención foi a doma de cabalos.


Antes de despedirnos da vila fomos a ver o entorno natural de ecoespazo do Rexo, onde estaban situadas as pinturas de Agustín Ibarrola.



Por último, fixemos unha parada en Ourense para merendar e ver as burgas, que causaron unha gran emoción nos rapaces e rapazas. Deica outra.

EXCURSIÓN Á CORUÑA

O día 27 de maio os alumnos/as de 4º ,5º e 6º fomos de excursión á Coruña cos titores de cada curso e ademais con Mercedes e Sergio.

Chegamos á Coruña sobre as 10.15h. da mañá.
Primeiro fomos ao acuario Finisterrae e a guía, Mónica, fíxonos un resumo do que podíamos ver.Despois vimos todos os peixes do acuario:quenllas, focas ,polbos,etc.
A continuación fomos á Casa das Ciencias, na primeira planta o que máis nos gustou foi un péndulo que ao cabo do día tiraba as 24 picas que había ao seu redor, tamén había unha incubadora de polos. Despois subimos á segunda planta e nela había diversos aparellos, máis tarde subimos á última planta onde vimos unha película que trataba sobre un vampiro.
Xa era mediodía e fomos comer. Había sopa, caldo vexetal, patacas con filete rebozado, e de postre xeado de chocolate. Todo estaba riquísimo!
Despois de xantar fomos visitar a Casa do Home onde había esculturas coma o home máis alto do mundo, xogos e vimos unha película en 3D que trataba dun safari.
Finalmente queriamos facer unha visita á torre de Hércules e ao castelo de San Antón, pero non quedaba tempo e fixémolo desde o autobús. Tivémonos que conformar véndoos desde o autobús, pero gustaríanos subir á torre de Hércules.
Así foi a nosa excursión: divertida, didáctica e pasámolo moi ben.

FIN

Nerea Almuiña

Martín Portomeñe
Ismael Torres

Homenaxe a Lois Pereiro

O Día das Letras Galegas

Para festexar estas datas nas que se lembra un día moi especial na nosa cultura: O día das letras galegas. No CEIP Antas de Ulla expuxemos uns carteis da vida e obra do autor homenaxeado: Lois Pereiro. Os nosos compañeiros e as nosas compañeiras de sexto, de tódolos carteis expostos, escolleron dous para facer a súa homenaxe persoal a este autor. Os carteis seleccionados foron o número 13 e o 15. No primeiro, os rapaces fan referencia a un momento da vida de Lois no que a súa amiga e amada, Piedad Cabo, marchou aos Estados Unidos, eles falan dos sentimentos do autor e de como foi esta época na súa vida e como homenaxe escribiron unha carta como se fosen o propio Lois. Aquí tedes a carta escrita:
Querida P:
Desde tan lonxe te escribo que non sei se as miñas palabras chegarán a ti. Os días fánseme longos pensando na túa volta, en poder pasear e charlar como faciamos antes. Intento que me guste a xente que me rodea, e vouno conseguindo, pero ninguén es ti.
Unha aperta
Good bye
Lois.


No cartel número 15 os rapaces e as rapazas refírense ao Día das Letras Galegas con palabras que poderían expresar sentimentos ou aspectos relacionados co mesmo, como por exemplo:
HOMENAXE, AUTOR, PAÍS, LIBRO, ORGULLO, IDIOMA, TRABALLO, LEDICIA, CREATIVIDADE, FESTA, VIDA, LER, ESCRIBIR, POESÍA, NOVELA, TEATRO, LITERATURA, PÁXINAS, PALABRAS, AMOR, HISTORIAS, AUTOESTIMA, SATIFACCIÓN, CULTURA, GALICIA.

Estes son só uns exemplos dunha actividade moi elaborada para festexar este día tan importante para nós, polo que dende o centro vos animamos a que lle botedes un ollo ou os dous aos carteis expostos nos cristais do vestíbulo. Un saúdo e deica outra. (aquí vos quedan unhas fotos deste día).

Convivencia en Lalín

Aquí están estas fotos dos momentos de repouso e da comida deste día de convivencia deportiva. En breve, algún vídeo das actividades deportivas. Estade atentos.

A pasalo ben coas fábulas

Para que o pasemos ben estes días nos que nos lembramos das letras galegas, os nosos compañeiros e as nosas compañeiras de terceiro fixeron uns contos e unhas fábulas moi divertidas. Se queredes pasar un bo rato, botádelle un ollo o taboleiro do segundo ciclo, xa sabedes onde está. Un saúdo a todos.

Aquí tedes unhas fotos. Desexamos que vos gusten.

Uns marcapáxinas moi especiais

Como podedes ver na entrada do colexio temos expostos os marcapáxinas realizados polos rapaces e rapazas do Ceip Antas de Ulla. Para tal fin empregáronse diferentes técnicas e materiais, como por exemplo: papel reciclado (podedes ver a súa elaboración noutro post neste blog). Son unhas auténticas obras de arte, animámosvos a que as vexades, pero no caso de que non poidades, aquí tedes unha pequena mostra.

PAPEL RECICLADO

Imos facer papel reciclado
Preparados/as?
Paso 1
Necesitamos:

Xornais
Un recipiente
Auga morna
Facemos cachiños co papel de periódico.

Botámoslles auga algo quente.
Deixámolo en remollo un día.

Paso 2
Necesitamos:

Unha batidora
Cola
Trituramos o papel e botámoslle cola.

Paso 3
Necesitamos:

Unha rejilla
Metemos a rejilla na pasta de papel e deixámola escurrir.

PASO 4

Necesitamos:

Unha tea
Rodillos

Poñemos unha tea por arriba e outra por abaixo, pasámoslle un rodillo para que quede lisiño.
Despois, sacamos a rejilla.
Poñémolo a secar.
E, por último, que facemos con el? Pois por exemplo uns marabillosos marcapáxinas decorados con motivos primaverais ( flores, herbas,...).
ANÍMATE! PASARÁS UN BO RATO.