O día 22 desfrutamos dun sensacional festival de Nadal amenizado por todos os nenos e nenas do colexio.
Os máis pequerrechos cantaron " Rodolfo, el reno" e "We wish you a Merry Christmas". Daba xenio velos!
Os de 1º ciclo tiveron moito traballo pois despois de cantar " Campaíña do lugar" e " Nadal, Nadal", representaron " O espírito do Nadal".
Moi interesantes as tradicións de Nadal presentadas por Alex, Airela, Sara, Elizabeth e Lucas de 3º. Que ben o fixeron tamén os de 3º no baile " Santa Claus" e no conto en verso " O gaiteiro".
Espectacular coreografía con cadeiras, aros e globos fixeron os de 4º. Extraordinarias figuras! Eles deleitáronnos tamén con curiosidades e poemas sobre o Nadal.
Para rematar os maiores de 5º e 6º cantaron e tocaron coas frautas " Gatatumba"e " Noite de Paz". Lucas de 6º co seu saxofón " Adeste fideles" e todos os de 6º bailaron " Os duendes marchosos". Foi marabilloso!
Estupendos e habilidosos presentadores e presentadoras que guiaron en todo momento a festa coas súas ocorrencias e chistes. Noraboa 6º!
Foi un festival realizado con moita ilusión por todos, alumnado e profesorado.
No hay comentarios:
Publicar un comentario